СӨ Тырааныспарын уонна суол хаһаайыстыбатын министиэристибэтэ иһитиннэрбитинэн, бүгүҥҥүнэн, муус устар 17 күнүнэн, Павловскай Хатас өрүһү туоруур кыһыҥҥы суол сабыллар, Аллараа Бэстээх Дьокуускай хайысхатынан айан-сырыы муус устар 15 күнүнэн бобуллубута.
Суол сабыллыбытын кэннэ, Аллараа Бэстээх биэрэгин өттүгэр өрүһү туорууга видеокамера кэтиир уонна улуус баһылыгын дьаһалынан тэриллибит, бигэргэммит графигынан тустаах эриэйдэ оҥоһуллар. Быраабыланы кэспит суоппардары Саха сирин кодексынан ыстарааптыахтара. Чааһынай дьоҥҥо ыстараап кээмэйэ 3000-5000 солк., урбаанньыттарга 20 000 50 000 солк., юридическэй сирэйдэргэ 100 000 солк. 1 мөл. солк. диэри.
Муус устар 16 күнүттэн өрүһү туоруурга сымнаҕас сыттыктаах Хивус суудуналар сырыыларын саҕалаатылар. Сыаналара бүгүҥҥү туругунан 1500 солк., сарсыарда 08:00 ч. киэһэ 19:00 ч. диэри өрүһү туоруур өҥөнү оҥороллор.
Улахан хаайтарыы кэмигэр бөртөлүөт көтүөҕэ, сыаната быһа холоон 5600 солк. буолуоҕа.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0