Бэҕэһээ, муус устар 13 күнүгэр, Майатааҕы Д.Ф. Ходулов аатынан Култуура киинигэр Арассыыйа аармыйатын кэккэтигэр сулууспалыы барар уолаттарбытын атаарыы тэрээһинэ ыытылынна.
Дойду Сэбилэниилээх күүстэрин кэккэтигэр сулууспалааччылар сааскы ыҥырыыларыгар биһиги улуустан 29 эр киһи ылсан Ийэ дойдуларын иннигэр ытык иэстэрин толоро бардылар.
Уолаттары улуус баһылыгын бастакы солбуйааччы Василий Михайлов, Мэҥэ Хаҥалас уонна Уус Алдан улуустарын байыаннай комиссириат начаалынньыга Аял Петров, Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин, социальнай бэлиитикэ салалтатын начаалынньыга Октябрина Кулешова, бэтэрээннэр Сэбиэттэрин бэрэссэдээтэлэ Маргарита Максимова алгыс тылларынан арыаллаатылар.
Ыччаттарбыт, уолаттарбыт сулууспаҕыт этэҥҥэ ситиһиилээхтик ааһарыгар баҕарабыт!
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0