Рекламный баннер 728x90px main1
ОЛОХТООХ БЭЙЭНИ САЛАЙЫНЫЫ СЭБИЭТИН МУННЬАҔА
Муус устар 21 күнүгэр, улуус мунньахтыыр саалатыгар Олохтоох бэйэни салайыныы боппуруостарын сэбиэтэ буолла. Мунньаҕы улуус баһылыга Дмитрий Тихонов салайан ыытта.
Мунньах үөрүүлээх чааһыгар нэһилиэктэр баһылыктарын, салалталар, тэрилтэлэр салайааччыларын, үлэһиттэрин бүгүҥҥү идэлээх күннэринэн эҕэрдэлээн туран, таһаарыылаах, ситиһиилээх үлэни баҕарда.
Халаантан сэрэхтээх буолууга бэлэмнэнии үлэлэрин ГИМС филиалын начаалынньыга Дьулустан Федоров, баһаартан сэрэхтээх буолууну күүһүрдүү туһунан Мэҥэ Хаҥаластааҕы надзордуур уонна сэрэтэр үлэни ыытар отделениетын начаалынньыга Олег Дорофеев билиһиннэрдилэр.
Туһааннаах сиргэ-уокка үлэни, уопсастыбаҕа сибээһи олохтооһуну тэрийэр салаа салайааччыта Айталина Сыроватская муниципальнай тэриллиилэргэ сыллааҕы үлэ түмүгүнэн куонкурус балаһыанньатын, улуустааҕы үп салалтатын начаалынньыга Александр Шепелев кииннэммит бухгалтерия туһунан сырдаттылар.
Улуустааҕы социальнай бэлиитикэ управлениетын салайааччыта Октябрина Кулешова анал байыаннай дьайыылар кыттыылаахтарыгар уонна дьиэ кэргэттэрин өйүүр дьаһалга уларыйыылары иһитиннэрдэ.
Мэҥэ Хаҥалас улууһун дьаһалтатын пресс-сулууспата
913
Рекламный баннер 728x90px main2