Муус устар 19 күнүгэр Майа сэлиэнньэтин "Манчаары" спорт уораҕайыгар Саха сиригэр физкультурнай хамсааһын 100 сылыгар анаммыт XVII бэтэрээннэр спартакиадалара буолан ааста.
Күрэх саахымат, дуобат, хабылык, хаамыска, теннис, сүүрүүгэ эстэпиэтэ, дартс, буулдьанан ытыы, мохсуо көрүҥнэригэр ыытылынна. Уопсайа 26 нэһилиэктэн 423 аҕам саастаах киһи кытынна.
Хамаандалар икки бөлөххө арахсан, аҕыс көрүҥҥэ илин-кэлин түһүстүлэр, ол түмүгүнэн: I бөлөххө 1 миэстэ - Майа 2 миэстэ - Төҥүлү 3 миэстэ - Аллараа Бэстээх хамаандалара;
II бөлөххө 1 миэстэ - 1-кы Наахара 2 миэстэ - Догдоҥо 3 миэстэ - Араҥас хамаандалара таҕыстылар.
Кыайыыны ситиспиттэр улуус сүүмэрдэммит хамаандатыгар талыллан, өрөспүүбүлүкэтээҕи бэтэрээннэр спартакиадаларыгар улууспут чиэһин көмүскүөхтэрэ.
Ытык дьоммут чөл олоҕу тутуһан, спорду өрө тутан, чэгиэн-чэбдик сылдьаллара кэлэр кэнэҕэски көлүөнэҕэ үтүө холобур буолар.
Мэҥэ Хаҥалас улууһун дьаһалтатын пресс-сулууспат
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0