Үлэһит дьону уруйдуур бүгүҥҥү Үлэ, Эйэ, Саас бырааһынньыгынан Саха сиригэр Үлэ сылын чэрчитинэн Ил Дархан көҕүлээһининэн олохтоммут "Үлэ киһитэ" бириэмийэнэн чиэстээммит улууспут үтүө үлэһит дьонун итиитик-истиҥник эҕэрдэлиибит!
Муус устар 28 күнүгэр Ил Дархан Айсен Николаев Саха сирин 50 туруу үлэһит олохтооҕор 300 тыһынча солкуобай кээмэйдээх Үлэ киһитэ бириэмийэни туттарда.
Өрөспүүбүлүкэ үрдүнэн 250 кэлэктиип бары өттүнэн бастыҥ бэрэстэбиитэллэрин бириэмийэҕэ түһэрбиттэриттэн үс түһүмэхтээх сүүмэрдээһин кэнниттэн 50 бэйэлэрин идэлэрин баһылаабыт, олоххо көхтөөх көрүүлээх үлэһит дьон талыллан наҕараадаланнылар.
Биһиги улуустан
Нөөрүктээйи нэһилиэгин олохтооҕо, социальнай сулууспа чулуу үлэһитэ Туяра Васильева,
Майа сэлиэнньэтиттэн таас тутууну көҕүлүттэн туппут, үгүс эбийиэк тутуутугар сүрүн прорабынан үлэлээбит, "Мегинострой" тутааччы инженера Алексей Захаров,
Хорообут хааччахтаммыт эппиэтинэстээх уопсастыба ыанньыксыта Марина Васильева,
Мэҥэ Хаҥаластан төрүттээх өрөспүүбүлүкэтээҕи Дьокуускай куорат клиническэй балыыһатын сүрүн медбрата Алквиад Иванов саҥа олохтоммут "Үлэ киһитэ" биэриэмийэ лауреаттарынан ааттаннылар.
Үлэ киһитэ бириэмийэ сыллата ыытыллар буолуоҕа, кыайыылаахтары ыам ыйын 1 күнүн иннинэ чиэстиэхтэрэ.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0