Сахалар диаспоралара "Лес памяти" аахсыйаҕа кыттыһан Турцияҕа 100 маһы олордубуттар уонна араас эйгэҕэ Өрөспүүбүлүкэбит сайдыытыгар сүҥкэн кылааттарын киллэрбит саха чулуу дьонун ааттарын иҥэрбиттэр.
Муус устар 25 күнүгэр Дьокуускай куорат А.Е. Кулаковскай аатынан норуоттар доҕордоһууларын дьиэтигэр бу аахсыйа кыттыылаахтарыгар, ааттаммыт 100 бастыҥ дьоммут сыдьааннарыгар өйдөбүнньүк туоһу суруктары туттардылар.
Мэҥэ Хаҥаластан академик Владимир Петрович Ларионов, педагогическай наука доктора Николай Дмитриевич Неустроев, биологическай наука доктора Роман Васильевич Десяткин, фтизиатр быраас Евдокия Семеновна Борисова, саха култууратын тарҕатааччы Александра Гаврильевна Аргунова - Күөрэгэй, Саха АССР норуоднай артыыһа Марина Константиновна Попова - Эдьиий Марыына, сахалартан маҥнайгы аатырбыт атыыһыт, меценат Гавриил Васильевич Никифоров - Манньыаттаах уола, бэйиэт, тылбаасчыт Иван Егорович Слепцов - Иван Арбита, хореограф, култуура үтүөлээх үлэһитэ Василий Павлович Винокуров, худуоһунньук Михаил Михайлович Носов, косторез Егор Николаевич Алексеев,
ССРС народнай артыыһа Ходулов Дмитрий Федорович, СӨ народнай артыыската Айталина Саввична Адамова-Афнасьева ааттара ааттаннылар.
Ытыктыыр дьоммут, кинилэр сыдьааннара туоһу суруктары тутаннар долгуйбуттарын, үөрбүттэрин биллэрдилэр, махтал тылларын тиэртилэр.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0