Бүгүн, муус устар 27 күнүгэр, Аллараа Бэстээх култуура киинигэр бөһүөлэк библиотеката тэрийбит бүтүн Арассыыйа үрдүнэн ыытыллар норуоттар икки ардыларынааҕы историческэй Кыайыы дьыктаана ыытылынна.
Дьыктаан тест көрүҥүнэн ааста. Улуус уонна бөһүөлэк дьаһалталарын үлэһиттэрэ, оскуолаттан учууталлар, үөрэнээччилэр, "Парус" спорт уораҕайын, полиция отделын, кулууп үлэһиттэрэ, армянскай, киргизскай диаспора бэрэстэбиитэллэрэ, урбаанньыттар, бэтэрээннэр уонна олохтоохтор уопсайа 40-чэ киһи кэлэн көхтөөх кыттыыны ыллылар, Аҕа Дойду Улуу сэриитин кэминээҕи историяны билиилэрин тургуттулар.
Маны таһынан ким баҕалаах онлайн форматынан кытыннылар.
Түмүгү дьыктаан сайтыгар күн сарсыҥҥаттан таһааран саҕалыахтара, кыттааччыларга биирдии бэйэлэригэр бэриллибит нүөмэринэн киирэн бэрэбиэркэлэниэхтэрин сөп буолар.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0