Дойду президенэ Владимир Путин ыам ыйын 10 күнүгэр саппааска сылдьар байыаннай сулууспалаах Арассыыйа олохтоохторун үөрэх хомууругар ыҥырыы ыйааҕар илии баттаата.
Бу былаан быһыытынан ыытыллар байыаннай бэлэмнэнии резервистэргэ байыаннай үөрүйэхтэрин тупсарыыга ананар уонна сылын аайы ыытыллар буолар.
Ыҥырыыга кимнээх хапсалларый? Саппааска сылдьар гражданиннарынан Арассыыйа аармыйатыгар сулууспалаабыттар, байыаннай үөрэҕи бүтэрбиттэр.
Ким ыҥырыыттан босхолоноруй? Быраабы араҥалыыр уорганнар сулууспалааччылара, баһаары тохтотор сулууспа, таможня үлэһиттэрэ уонна судаарыстыбаннай былаас уорганнарыттан бронь ылбыт үлэһиттэр, авиацияҕа, тимир суолга, муора уонна өрүс флотун суудуналарыгар сулууспалааччылар.
Ону тэҥэ Парламентская газета иһитиннэрбитинэн, элбэх оҕолоохтор, сенатордар уонна сабылла илик суутунан буруйдаахтар эмиэ ыҥырыллыбаттар.
Сааһынан хааччахтар Саппааска сылдьар олохтоохтор 23-тэриттэн үөһээ, рядовойдар, сержаннар 35 саастарыгар диэри, прапорщиктар, лейтенаннар 45 саастарыгар диэри диэн хааччахтааһын биллэриллибит.
Хомууру ааһыы бэрээдэгэ Байыаннай хомуурга саппааска сылдьар дьон үс сылга биирдэ ыҥырыллыахтарын сөп. Хомуурга сылдьыы уопсайа 12 ыйтан ордук буолбат.
Хомуур кэмигэр резервистэргэ үлэлэрин миэстэтэ хаалар, орто хамнастара төлөнөр уонна айаҥҥа бараммыт оросхуота толойуллар.
Бэбиэскэ туппут дьон ыҥырыллыбыт сиргэ икки суутка иһинэн баар буолаллара ирдэнэр. Биричиинэтэ суох кэлбэт түгэннэригэр 500 - 3000 солкуобайга диэри ыстараап олохтонор.
Байыаннай хомууртан куотунуу иһин холуобунай эппиэтинэскэ тардыллыы, хас киһи, төһө кэмҥэ хомуурга ыҥырыллалларын туһунан этиллибэтэх.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0