Рекламный баннер 728x90px main1
САЙЫҤҤЫ ЛААҔЫРДАРГА СУРУТТАРЫЫ САҔАЛАННА
Ыам ыйын 15 күнүттэн сайыҥҥы сынньалаҥ кэмигэр улууспутугар тэриллэр оҕо лааҕырдарыгар суруттарыы саҕаланна.
Бу сайын улууспутугар уопсайа 30 лааҕыр үлэлиэҕэ, барыта 1870 оҕо хабыллыаҕа.
Ол курдук, оскуолаларга, эбии үөрэхтээһин тэрилтэлэригэр күнүскү лааҕыр - 15, үлэ уонна сынньалаҥ лааҕыра - 6, хонуктаах лааҕырдар - 9.
Анал байыаннай дьайыы кыттыылаахтарын оҕолоругар өрөспүүбүлүкэ иһигэр үлэлиир оҕо лааҕырдарыгар сылдьалларыгар үбүлээһин көрүллүөҕэ.
Быйыл сайаапкалары ылыы e-uslugi үөрэхтээһин өҥөтүн саайтынан ыытыллар. Туһаайар суругу ылыыны, сайаапканы ыытыы хаамыытын, ханнык докумуоннар ирдэнэллэрин сиһилии сыһыарыыларга билсиэххитин сөп.
Оҕо сайыҥҥы сынньалаҥын туһалаахтык атаарарыгар, дьарыктаах буолуутугар, доруобуйатын тупсарыыга сөптөөхтүк тэриниэххэ.
Мэҥэ Хаҥалас улууһун дьаһалтатын пресс-сулууспата
896
Рекламный баннер 728x90px main2