Бүгүн Киренская Матрена Егоровнаҕа, Аҕа дойду сэриитин "Аляска-Сибиир" салгын трассатын кыттыылааҕар, "Дьоруой Ийэ" бочуот бэлиэтин хаһаайыныгар, тыыл, үлэ бэтэрээнигэр, Саха Өрөспүүбүлүкэтин Ытык кырдьаҕаһыгар, Мэҥэ Хаҥалас улууһун, Араҥас нэһилиэгин бочуоттаах олохтооҕор, улуус баһылыга Дмитрий Тихонов Ил Дархан Айсен Николаев олохтообут "ҮЙЭ СААС" бочуот бэлиэтин туттарда.
Бу үөрүүлээх түгэҥҥэ СӨ үлэҕэ уонна социальнай сайдыыга миниистирэ Елена Волкова Матрена Егоровнаны аныгы үйэ сиэринэн видеонан эрийэн эҕэрдэлээтэ.
Улуустааҕы социальнай харалта салалтатын салайааччыта Иван Шестаков, бэтэрээннэр Сэбиэттэрин бэрэссэдээтэлэ Маргарита Максимова, Араҥас нэһилиэгин баһылыга Андрей Кычкин Матрена Егоровнаны үтүө тылларынан эҕэрдэлээтилэр, бэлэхтэрин туттардылар.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0