Ыам ыйын 12 күнүттэн улуус баһылыгын 964 нүөмэрдээх дьаһалынан улууспутугар тыаҕа, ойуурга баһаартан сэрэхтээх буолуу кэмэ биллэриллибитэ.
Билигин, күн-дьыл сылыйан, хаар ууллан
тэлгэһэни хомуйуу, өрүспүт эстэр кэрэ көстүүтүн көрө мустуу, айылҕаҕа сынньана тахсыы үксээтэ.
Маны кытта, баһаартан сэрэхтээх буолуу быраабылатын тутуһаргытыгар ыҥырабыт!
Тыа баһаара сүрүннээн киһи буруйуттан тахсар. Онон, ойуурга уоту оттор, түптэлиир, табаҕы, испиискэни ситэ умулларбакка эрэ быраҕыы, таас бытыылкалары хаалларыы, өртөөһүн булгуччу бобулларын санатабыт.
Өскөтүн ити быраабылалары кэстэххэ, РФ Административнай кодексатын 8.32-с ыстатыйатынан эппиэккэ тардыллаҕын:
гражданнар 15 тыһ. солк. 30 тыһ. солк., дуоһунастаах дьон 30 тыһ. солк. 50 тыһ. солк.,
тэрилтэлэр 100 тыһ. солк. 400 тыһ. солк. диэри суумалаах ыстараап төлүүллэр.
Ойуурга чугас сытар хонууну-сыһыыны баһаартан сэрэхтээх буолуу быраабылаларын тутуспакка өртөөһүн, куурбут-хаппыт оту-маһы уматыы иһин гражданнар 30 тыһ. солк. 40 тыһ. солк., дуоһунастаах дьон 40 тыһ. солк. 60 тыһ. солк.,
тэрилтэлэр 300 тыһ. солк. 500 тыһ. солк. диэри суумалаах ыстараап төлүүллэр.
Оттон уоту сэрэҕэ суохтук туттан, ойуур фондатыгар хоромньуну таһаарбыт киһи РФ Холуобунай кодексатын 261-с ыстатыйатынан холуобунай эппиэтинэс сүгэр.
Ити ыстатыйанан көрүллэр накаастабыл миэрэ: 200 тыһ. солк. 400 тыһ. солк. диэри суумалаах эбэтэр сууттаммыт киһи 1 сылтан 2 сылга диэри кэмҥэ ылар хамнаһын биитэр атын дохуотун кээмэйин саҕа ыстараап, биитэр 480 чааска диэри болдьоххо булгуччулаах үлэ, биитэр 2 сылга диэри болдьоххо көннөрүнэр үлэ, биитэр 3 сылга диэри болдьоххо күһэлэҥ үлэ, биитэр ити болдьоххо көҥүлү быһыы.
Маныаха улахан хоромньу оҥоһуллубут буоллаҕына, 4 сылга диэри болдьоххо көҥүлү быһыы көрүллэр.
Оттон соруйан уоттааһын иһин 500 тыһ. солк. - 1 мөл. солк. диэри суумалаах ыстараап эбэтэр 8 сылга диэри болдьоххо хаайыыга барыахха сөп. Итиниэхэ өссө 200 тыһ. солк. 500 тыһ. солк. диэри суумалаах эбэтэр сууттаммыт киһи 18 ыйтан 3 сылга диэри кэмҥэ ылар хамнаһын биитэр атын дохуотун кээмэйин саҕа ыстараап көрүллэр.
Ойуур баһаарын таһаарбыт буруйдаах дьон оҥорбут материальнай хоромньутун төлүүр эбээһинэстээх.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0