Рекламный баннер 728x90px main1
Майа сэлиэнньэтигэр бу сааскыттан "Ыраас Майа" аахсыйа биллэриллэн, ырааһырдыы үлэтэ, субуотунньуктар ситимнээхтик ыытыллыбыттарын туһунан суруйан турабыт.
Онтон бу күннэргэ Алексей Неустроев баһылыктаах олохтоох дьаһалта көҕүлээһининэн итиэннэ үтүө санаалаах дьон түмсэн, норуот күүһүнэн сыбаалканы өрө тардыыга күүстээх үлэ барда.
Ол курдук, таһыттан саҕалаан ыһыллан сыппыт бөхтөрү чөкөтөн,
иһирдьэ киирии суолу оҥордулар, буор куттаран кэҥэттилэр, таас билиитэлэри уурдулар, сүөһүлэр киирбэттэрин диэн "мэһэйи" оҥордулар, тула күрүөтүн саҥардан оҥордулар.
Киириигэ икки кытыытынан бөх тоҕор сиргэ сылдьыы быраабылалара баар буолла. Ону тэҥэ көрөр-истэр үлэһит ыйан-кэрдэн биэрэр, видеокамера хонтуруоллуур.
Күндү биир дойдулаахтарбыт!
Оҥоһуллубуту харыстыаҕыҥ, чэбэрдик сыһыаннаһыаҕыҥ!
Ыраастык олоруоҕуҥ, чөл олохтонуоҕуҥ!
Мэҥэ Хаҥалас улууһун дьаһалтатын пресс-сулууспата
761
Рекламный баннер 728x90px main2