Рекламный баннер 728x90px main1
АДПИ - БАҺААРТАН СЭРЭТЭР КЫАМТАЛААХ ТЭРИЛ
Ааспыт нэдиэлэҕэ Аллараа Бэстээххэ олорор дьиэҕэ электрическэй сыапка кылгас тиксиһии (короткое замыкание) буолан техногеннай баһаар тахса сыспыт.
Дьиэ хаһаайыттара тэлгэһэлэригэр үлэлии сырыттахтарына АДПИ үлэлээн иэдээн тахсарын сэрэппит.
Ытыктабыллаах улууспут олохтоохторо!
Дьиэҕитин-уоккутун, чугас дьоҥҥутун баһаартан харыстааҥҥыт АДПИ-та туруорунаргытыгар ыҥырабыт.
АДПИ - автономнай баһаар турбутун тута сэрэтэр тэрил.
Кыра да буруо сытыгар утуйа сытар киһини уһугуннарар гына улаханнык тыаһаан биллэрэр, иэдээн тахсарыттан сэрэтэр аналлаах.
Сыаната быһа холоон 500-600 солкуобай, анал маҕаһыыннарга атыыланар.
Бу тэрил эрдэ тыаһаабытын түмүгэр баһаартан элбэх киһи быыһаммыта.
Мэҥэ Хаҥалас улууһун дьаһалтатын пресс-сулууспата
708
Рекламный баннер 728x90px main2