Рекламный баннер 728x90px main1
Бүгүн Манчаары Баһылай төрөөбүт Арыылаах алааһыгар
48 киһилээх улууспут доруобуйаларынан хааччахтаах хамаандатын
"Дьулуур" XIV спорт адаптивнай көрүҥнэригэр өрөспүүбүлүкэтээҕи спартакиадаҕа уруйдаан атаардылар.
Хамаанда кыттыылаахтара этэҥҥэ, ситиһиилээхтик кыттан кэлэллэригэр улууспут Ытык сүбэтин бэрэссэдээтэлэ, Майатааҕы Итэҕэл балаҕанын алгысчыта Зиновий Игнатьев алгыс сиэрин-туомун түһэрдэ.
Улуус баһылыгын тутуу боппуруостарыгар солбуйааччы Василий Филиппов,
спорт уонна физическэй култуура салалтатын салайааччытын эбээһинэһин толорооччу Алексей Попов,
Догдоҥо нэһилиэгин баһылыга Петр Сивцев
спартакиада кыттыылаахтарыгар эрэллэрин эттилэр, кыайыыны-хотууну баҕардылар.
Спортсменнар сиртэн-буортан күүс-уох ылан, алгыс тылларын иҥэринэн күрэхтэһиигэ бэлэмнэрин биллэрдилэр.
"Дьулуур" XIV спорт адаптивнай көрүҥнэригэр өрөспүүбүлүкэтээҕи спартакиада быйыл Амма улууһугар от ыйын 12-16 күннэригэр ыытыллар.
Күрэхтэһии сүһүөхтэринэн, көрөллөрүнэн, истэллэринэн хааччахтаах дьоҥҥо диэн арахсан
олорон эрэ волейбол, чэпчэки атлетика, буулдьанан ытыы, остуол тиэниһэ, дуобат, голбол көрүҥнэринэн ыытыллыаҕа.
Хамаандабытыгар улууспут чиэһин ситиһиилээхтик көмүскээн кэлэллэригэр баҕарыаҕыҥ!
Мэҥэ Хаҥалас улууһун дьаһалтатын пресс-сулууспата
731
Рекламный баннер 728x90px main2