От ыйын 12 күнүгэр Аллараа Бэстээххэ улуус баһылыгын тутуу боппуруостарыгар солбуйааччы Василий Филиппов, бөһүөлэктээҕи дьокутааттар сэбиэттэрин бэрэссэдээтэлэ Сергей Оданец уонна ГО ЧС сүрүннүүр испэсэлииһэ Геннадий Васильев кыттыылаах оробуочай бөлөх улуус киинигэр тутулла турар Култуура сайдыытын киинэ, 2 -дээх оскуола, балыыһа уонна билигин үлэлии турар "Парус" спортивнай комплекс эбийиэктэригэр киирии суоллары оҥорорго миэстэтигэр тахсан билистилэр, көрдүлэр-иһиттилэр, сүбэлэстилэр.
Оробуочай сырыы кэнниттэн улуус баһылыга Дмитрий Тихонов салалтатынан сүбэ мунньах буолан ааста.
Мунньах кыттыылаахтара төһө үп-харчы ирдэнэрин ааҕан-суоттаан баран, бырайыак оҥорорго быһаарыстылар. Инникитин Өрөспүүбүлүкэтээҕи суол пуондатыттан үбүлээһинин кытта улуус, бөһүөлэк бүддьүөттэрэ кыттыһан, нэһилиэнньэҕэ улахан суолталаах дьиэлэр суолларын кэмигэр бүтэрэргэ диэн түмүккэ кэллилэр.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0