От ыйын 12-13 күннэригэр Саха Өрөспүүбүлүкэтин Тыа хаһаайыстыбатын министиэристибэтин киинигэр саҥа саҕалаан эрэр фермердарга анаан Агростартап куонкуруһа буолан ааста.
Бу бырагыраама нөҥүө бырыайыактарын чаҕылхайдык көмүскээбит дьон бэйэлэрин хаһаайыстыбаларын сайыннарарга 6 мөлүйүөҥҥэ тиийэ гран ылар кыахтаналлар.
Тэрээһин Аччыгый, орто урбаан уонна саҥа саҕалааччыларга өйөбүл национальнай бырайыак чэрчитинэн ыытылынна.
Куонкурус хамыыһыйатыгар министиэристибэ бэрэстэбиитэллэрэ, уопсастыбаннас биллэр-көстөр дьоно кытыннылар. Ол курдук,
СӨ АККОР салайааччыта Александр Артемьев,
СӨ иһинэн үлэлиир Арассыыйатааҕы дьахталлар хамсааһыннарын лиидэрэ Зарема Бочкарева,
СӨ норуот дьокутаата, урбаанньыт Руслан Федотов уо.д.а.
Саха сирин үгүс улууһуттан элбэх дьон кытынна.
Биһиги улуустан уопсайа 8 киһи сайаапка биэрбититтэн бастакы түһүмэҕи бары ааһан бырайыактарын көмүскээтилэр.
Ирдэбиллэргэ сөп түбэһэн, бырайыагын дьоһуннук көмүскээн Дьаҥхаады нэһилиэгиттэн төрүттээх, сылгы иитиитинэн дьарыктанар Евгений Сидоров гран ылар чиэскэ тигистэ.
Туруу үлэһит биир дойдулаахпытыгар, улууспут тыа хаһаайыстыбатын салаатын сайыннарыыга үрдүк ситиһиилэри, дабайыылары баҕарыаҕыҥ!
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0