Рекламный баннер 728x90px main1
Бас билиитэ суох сирдэри – муниципальнай бас билиигэ
От ыйын 21 күнүгэр, Аллараа Бэстээххэ СӨ баайга-дуолга уонна сиргэ сыһыаннаһыыларын миниистирин бастакы солбуйааччыта Ньургустаана Пахомова оробуочай сырыытын чэрчитинэн биһиги улууспут баһылыгын тутууга солбуйааччыта Василий Филипповы итиэннэ баайга дуолга уонна сир сыһыаннарыгар кэмитиэтин испсисэлиистэрин; нэһилиэктэр сир оҥорооччуларын кытары көрүстэ.
Мунньахха сири, баайы-дуолу туһаныыга үгүс боппуруос таарылынна. Сир нэһилиэстибэтэ, сопхуос ыһыллыахтарыттан хаалбыт тутуулар, докумуона, бас билиитэ суох эбийиэктэр уо.д.а.
Ньургустаана Пахомова тыа сиригэр бас билэр докумуона суох хаалбыт үгүс дьиэни-уоту докумуоннаан муниципальнай бас билиигэ киллэрэргэ сорудах туруорда.
Дьон бас билэр сирдэрин-уоттарын комплекснай кадастровай учуокка киллэрэргэ үлэ көрдөрүүтүн таһымын үрдэтэргэ сорук ыйда.
Итиэннэ элбэх оҕолоох ыаллары сиринэн-уотунан хааччыйыыга үлэни күүһүрдэри тоһоҕолоон туран бэлиэтээтэ.
Трансформаторнай станциялары, быһыттары докумуоннарын ситэрэн-хоторон өрөспүүбүлүкэ бас билиитигэр киллэрэргэ сүрүн болҕомтотун хатаата.
Мунньах кыттааччылара билиҥҥи кэм туругунан сытыытык турбут боппуруостары ыйыттылар. Салайааччы туруорбут соруктарынан саас-сааһынан киэҥ далааһыннаах үлэни ыытарга чопчу сыал-сорук турда.
Мэҥэ Хаҥалас улууһун дьаһалтатын пресс-сулууспата
660
Рекламный баннер 728x90px main2