Рекламный баннер 728x90px main1
Ытык ыал
От ыйын 28 күнүгэр, Майа сэлиэнньэтин баһылыга Алексей Неустроев үөрүүлээх быһыыга- майгыга улууспут биир ытык-мааны ыалын Надежда Николаевна, Афанасий Афанасьевич Чириковтары бииргэ олорбуттара 50 сылынан итиитик-истиҥник эҕэрдэлээтэ.
Ил Дархан эҕэрдэ суругун, СӨ ЗАГС салалтатыттан "Семейная доблесть" бэлиэтин , улуус баһылыга Дмитрий Тихонов эҕэрдэ суругун итиэннэ"Ытык Ыал" бэлиэтин уонна Майа сэлиэнньэтин салалтатын аатытттан "Бигэ ыал" бэлиэтин, 10 000 уу харчынан туоһу суругун туттарда.
Үлэһит сүрэхтээх үтүө ыал улуус ытык ыалын өйдөбүнньүк альбомугар киирдилэр.
Чириковтар дьоһун-мааны дьиэ кэргэн. Улууспут бастакы саҕалаабыт фермердэриттэн биирдэстэрэ, олохторун отут сылын улууспут тыа хаһаайыстыбатын сайдыытыгар анаатылар.
Майа сэлиэнньэтин бочуоттаах олохтоохторо, үлэ бэтэрээннэрэ, СӨ тыа хаһаайыстыбатын салаатын үтүөлээх үлэһиттэрэ, 4 оҕо ийэлээх-аҕата, үгүс сиэн эһэлээх-эбэтэ.
Баҕарыаҕыҥ ытык ыалга уһун, дьоллоох олоҕу, чэгиэн-чэбдик сылдьыыны, оҕолоргут, сиэннэргит, сылаас сыһыаннарыгар угуттанан, олоххо тапталы, дьулууру, тулууру мэлдьитин бу курдук сырдыгынан эрэ сыдьаайа, кэрэһэлии сылдьаргытыгар!
Мэҥэ Хаҥалас улууһун дьаһалтатын пресс-сулууспата
832
Рекламный баннер 728x90px main2