Бу өрөбүллэргэ биһиги улууска
Ил Дарханы Айсен Николаевы өйүүр
ыччат десана үлэни көҕүлүттэн тута, күүс-көмө буола кэллилэр.
Өрөспүүбүлүкэ араас муннугуттан мустубут 100-чэ эдэр ыччат дэлэгээссийэтин
СӨ Ыччат дьыалаларыгар уонна социальнай коммуникацияларга миниистирэ Петр Шамаев салайан илдьэ сырытта.
Бүгүн Төҥүлү, Мэлдьэхси, Догдоҥо, Ходоро, Хара нэһилиэктэригэр анал байыаннай дьайыыга сылдьар уолаттар дьиэ кэргэттэригэр, аҕам саастаах, доруобуйаларынан хааччахтаах дьоҥҥо уонна нэһилиэккэ туох үлэ баарынан араас хабааннаах көмө оҥоһулунна.
Ол курдук,
Мэлдьэхсигэ култуура киинин муостатын оҥоруу,
Төҥүлүгэ күрүө, тротуар бөҕөргөтүүтэ, кирилиэс тутааһына,
Догдоҥоҕо сыыс от ыраастааһына, ону тэҥэ улуус баһылыгын гранын кыайбыт саҥа тэриллиэхтээх "Союз" тыа хаһаайыстыбатын кээпэрэтиибин үлэтин саҕалаан уһаайбатыгар күрүөтүн туттулар,
Ходоро нэһилиэгэр дьиэ кырааскалааһына, оҕуруот тээпкэлээһинэ, бааһынаҕа үлэ,
Хараҕа Кыайыы монуменын билиитэлэрин көтүрэн сааһылааһын үлэтэ ыытылынна.
Ону тэҥэ, Майа сэлиэнньэтигэр
СӨ Үлэ уонна социальнай сайдыы, Үөрэҕирии уонна билим министиэристибэлэрин, Профсойууһун бэдэрээссийэтин исписэлиистэрэ нэһилиэнньэни кытта көрсөн ыйытыктарга хоруйдаатылар.
Нэһилиэктэр баһылыктара, ыччат лидердара, олохтоохтор үлэ пуруонун ыйан-көрдөрөн, тэҥҥэ сылдьан үлэлэһэн, олорор сирдэрин-уоттарын тэрийэн, аһылыктарын хааччыйан биэрбиттэриттэн оҕолор үөрүүлэрэ үгүс.
Мэҥэ Хаҥалас улууһун дьаһалтатын пресс-сулууспата