Атырдьах ыйын 5 күнүгэр Хорообут нэһилиэгин Атах Бүтэй алааһыгар илии хотуурунан от охсууга аһаҕас күөн күрэс ыытылынна.
Күрэххэ Амма, Хаҥалас, Нам улуустарыттан, Дьокуускай куораттан, улууспут Майа сэлиэнньэтиттэн, Дьаҥхаады, Хара, Мөҥүрүөн, Хорообут, Мэлдьэхси, Дойду, Нөөрүктээйи, Төҥүлү нэһилиэктэриттэн уонна Белоруссияттан уопсайа 37 киһи кэлэн кыттыыны ыллылар.
Саастарынан арахсан сэттэ бөлөҕүнэн күөн көрүстүлэр. Эр дьоҥҥо 3000 кв. миэтэрэ иэннээх, дьахталларга уонна 17 саастарыгар диэри уолаттарга 2000 кв. миэтэрэ иэннээх сирдэри сэрэбиэйинэн үллэрэн түөрт чаас устата оҕустулар.
Күрэх саамай эдэр кыттааччытынан Амма Эмиһиттэн кэлэ сылдьар 11 саастаах Матвей Тимофеев буолла,
саамай саастааҕынан Хорообут нэһилиэгиттэн 78 саастаах Мария Моисеева ааттанна.
Түөрт чаастаах күүлэй кэнниттэн, түмүк тахсарын кэтэһэр кэмҥэ, эр дьоҥҥо хапсаҕайга, дьахталларга кылгас кэрчиккэ сүүрүүгэ бэйэни холонон көрүү күрэҕэ тэрилиннэ.
Хапсаҕайга муҥутуур кыайыылааҕынан Амма Эмиһиттэн кэлбит Тихон Тимофеев таҕыста.
Сүүрүүгэ сымса атахтаах Сардаана Окорокова биэтэҕэ бастакынан кэллэ.
Тыҥааһыннаах күрэх түмүгүнэн:
эр дьоҥҥо
️17 саастарыгар диэри уолаттарга
1 миэстэ Виталий Николаев (Хаҥалас)
2 миэстэ Александр Протопопов (Мөҥүрүөн)
3 миэстэ Эрсан Сыроватский (Майа)
️17-39 саастаахтарга
1 миэстэ Иван Тихонов (Моорук)
2 миэстэ Авдей Тимофеев (Амма)
3 миэстэ Ярослав Архипов (Белоруссия)
️40-54 саастаахтарга
1 миэстэ Иннокентий Тобонов (Хаҥалас)
2 миэстэ Леонид Зырянов (Нам)
3 миэстэ Кузьма Острелин (Хаҥалас)
️55 үөһээ саастаахтарга
1 миэстэ Афанасий Сивцев (Дойду)
2 миэстэ Герман Готовцев (Хаҥалас)
3 миэстэ Василий Прохоров (Амма)
дьахталларга
️18-35 саастаахтаарга
1 миэстэ Августа Ноговицына (Дьокуускай)
2 миэстэ Александра Тимофеева (Амма)
3 миэстэ Светлана Иванова (Мэлдьэхси)
️35-49 саастаахтарга
1 миэстэ Сардаана Окорокова (Дьаҥхаады)
2 миэстэ Надежда Авелева (Нөөрүктээйи)
3 миэстэ Салиса Окоемова (Хорообут)
️55 үөһээ саастаахтарга
1 миэстэ Октябрина Шарина (Мэлдьэхси)
2 миэстэ Анна Харитонова (Төҥүлү)
3 миэстэ Варвара Колесова (Хорообут)
Беларуссияттан анаан-минээн күүлэйгэ кытта кэлбит 18 саастаах Ярослав Архипов
100 миэтэрэҕэ түргэнник охсууга 3 миэстэ,
бэйэтин саастыылаахтарыгар 3000 кв. миэтэрэ иэннээх сиргэ 3 миэстэ,
хапсаҕайга 3 миэстэ буолан көхтөөх кыттыыны ылла, өйдөбүнньүк бэлэхтэри тутта.
Кыттааччылар быйыл үүнүү өлгөмүн, күрэхтэһии үрдүк таһымнаахтык ыытыллыбытын бэлиэтээтилэр.
Күүлэй чэрчитинэн
Саха Өрөспүүбүлүкэтин Ил Түмэн судаарыстыбаннай мунньаҕын дьокутаата Александр Афанасьевич Романов сырдык кэриэһигэр ананар
100 миэтэрэҕэ илии хотуурунан тэтимнээх от охсуу күрэҕэ ыытылынна.
Манна алта киһи кыттыбытыттан
Иван Тихонов (Моорук) биэтэккэ 7:39 мүнүүтэнэн кэлэн бастыҥ бириэмэни көрдөрдө.
Иккис миэстэ 12:54 мүнүүтэлээх Кузьма Острелин (Хаҥалас),
үһүс миэстэ 13:33 мүнүүтэлээх Ярослав Архипов (Белоруссия) буоллулар.
Күүлэй сүрүн сыала-соруга - ыччаты төрүт үгэскэ уһуйуу, угуйуу, үөрэтии буолар.
Быйылгы Күүлэйгэ уопсайа 37 киһи кыттыбытыттан 16-та ыччат. Бу олус хайҕабыллаах.
Ыччаппыт төрүт үгэһи өрө тутар!
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0