Аар-саарга аатырбыт аҥаат-муҥаат улуу Мооро киэҥ нэлэмэн алааһыгар от үлэтэ күөстүү оргуйар.
Улуус баһылыга Дмитрий Тихонов биллэрбит Тыа хаһаайыстыбатын өйүүр сылларынан атырдьах ыйын 10-11 күннэригэр улуус дьаһалтатын эр дьонун кэллэктиибэ Нөрүктээйи нэһилиэгин биир бөдөҥ хаһаайыстыбатыгар "М. Егорова" ХЭТ-ҕэ тахсан, икки толору күн күүстээх үлэ күөнүгэр сырытта. Окко көмөлөстүлэр итиэннэ 200- чэкэ урулуон туруохтаах хааччах күрүөтэ эргэрбитин, чиҥэтэн, сөргүтэн биэрдилэр.
Санатар эбит буоллахха, улуус бөдөҥ тэрилтэлэрэ бэйэлэрин кынаттарын анныгар күүс- көмө, өйөбүл буола сылдьарга кэккэ хаһаайыстыбалары ылбыттара.
Дьаһалта уолаттара сүрэхтэрин баҕаларынан саха дьонун сиэринэн биир дойдулаахтарыгар - үлэһит тыа дьонугар бу курдук тахсан көмөлөһөллөрө номнуо үтүө үгэскэ кубулуйда. Субуотунньук сайын устата хаһыс да төгүлүн ыытылынна.
Тыа хаһаайыстыбатын куратор быһыытынан көмөҕө анаммыт тэрилтэлэр бары биир киһи курдук туруу үлэһит тыабыт дьонун өйүөҕүҥ!
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0