Бүгүн, атырдьах ыйын 12 күнүгэр, Майа сэлиэнньэтигэр Баһылай Манчаары аатынан стадиоҥҥа Физкультурник күнүгэр аналлаах улуустааҕы күрэхтэр буоллулар.
Күрэх үөрүүлээх арыллыытыгар улуус баһылыгын бастакы солбуйааччы Василий Михайлов спортсменнары, спорду, чөл олоҕу көҕүлээччилэри эҕэрдэлээтэ, спорду сайыннара, араас улахан таһымнаах күрэхтэргэ кыттан улууспут аатын ааттаталларыгар махтал тылларын эттэ.
Ол курдук, бүгүн чэпчэки атлетикаҕа нэһилиэктэртэн спортсменнар кэлэн күрэхтэстилэр. Оҕолорго футбол күрэҕэ, кыргыттарга уонна уолаттарга уһуну сүүрүүгэ, ыстаҥаҕа, ох саанан ытыыга бастыҥнары быһаардылар.
Ону таһынан аан бастакытын "Лапта" оонньуутугар хамаанданан бастыыр иһин күрэх буолла.
Бу курдук, Физкультурник күнүн дьон-сэргэ түмсэн, эдэриттэн эмэнигэр диэри күрэхтэһэн, үөрэн-көтөн атаардылар.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0