Ааспыт нэдиэлэҕэ, хомойуох иһин, улууспут олохтооҕо масыанньык сиэртибэтэ буолан 142 000 солкуобай суумалаах бэйэтин уурунуутуттан матта.
Бу туһунан Ис дьыала министиэристибэтин Мэҥэ Хаҥаластааҕы салаата иһитиннэрдэ.
Улууспут олохтооҕугар биллибэт нүөмэртэн эрийэннэр судаарыстыбаннай өҥө порталыттан (госуслуга) тиийдибит диэн бэйэлэрин билиһиннэрэн туран: Туора дьон тус электроннай кэбиниэккэр киирэн харчыгын уоран эрэллэр,- диэн уйулҕатын аймаабыттар.
Ону тохтотор туһуттан куйаар ситимиттэн анал RustDesk сыһыарыыны хачайдыырыгар сүбэлээбиттэр. Эмсэҕэлээччи тугу эппиттэрин барытын толорон испит.
Онтон кини нүөмэригэр бу сыһыарыыга киирэр анал сыыппаралар кэлбиттэрин туруупка нөҥүө баар түөкүҥҥэ этэн биэрбит.
Түмүгэр, гражданин тус бэйэтин уурунуутуттан 142 000 солкуобай уу харчытыттан көрөн туран маппыт.
Ытыктабыллаах улууспут олохтоохторо!
Билбэт нүөмэргит эрийдэҕинэ кэпсэтэ барбаккытыгар, түөкүннэр албын тылларыгар киирэн биэрбэккитигэр ыҥырабыт.
Маннык быһыы-майгы өссө да тахса турарынан сибээстээн, чугас дьоҥҥутун өссө төгүл сэрэтэргитигэр, оҕолоргутун хонтуруоллуургутугар сүбэлиибит!
Түөкүннэр сырыы аайы саҥаттан саҥа албаһы толкуйдуулларын санатабыт.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0