Атырдьах ыйын 19 күнүгэр улуус баһылыгын бастакы солбуйааччы Василий Михайлов Алтан нэһилиэгин олохтооҕун,
ыал эйэҕэс эбэтин Попова Нека Николаевнаны 90 сааһынан эҕэрдэлээтэ.
Нека Николаевна уһун дьоллоох олоҕу олорбут үлэ, тыыл бэтэрээнэ,
сэрии бэтэрээнин кэргэнэ, тоҕус оҕо амарах ийэтэ, элбэх сиэн, хос сиэн тапталлаах эбэтэ.
Улуус баһылыгын бастакы солбуйааччы Василий Михайлов уонна Алтан нэһилиэгин баһылыга Николай Матчитов ис сүрэхтэриттэн эҕэрдэлээн, туох баар үчүгэйи, кэрэни, сырдыгы баҕаран туран улуус баһылыгын Дмитрий Тихонов эҕэрдэ суругун, Хоту оҥорон таһаарар кээпэрэтиип төрүт үүт-ас бородууксуйатын,
Алтан нэһилиэгин дьаһалтатын, улуустааҕы социальнай харалта салалтатын эҕэрдэ суруктарын, өйдөбүнньүк бэлэхтэри уонна дьэрэкээн сибэкки дьөрбөлөрүн туттардылар.
Киһи быһыытынан килбиэннээх ытык кырдьаҕастарбытын харыстаан, убаастаан сылдьарбыт - хас биирдиибит ытык иэһэ.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0