Рекламный баннер 728x90px main1
Үтүө үгэскэ кубулуйбут бүтүн өрөспүүбүлүкэтээҕи «Доҕордоһуу кытыла» бардовскай ырыа бэстибээлэ быйыл Алдан улууһун Томмот куоратыгар атырдьах ыйын 18-20 күннэригэр XVII-с төгүлүн тэрилиннэ.
Үс күннээх күрэх ансаамбыллар, дуэттар, толорооччулар, автордар, “Поэзия”, “Хотугу ырыа”, “Котофеевскай” диэн сэттэ хайысханан арахсан ыытылынна.
Улууспут айар куттаах ырыаһыттара оҕолордуун, улахан дьоннуун бу тэрээһиҥҥэ бэрт ситиһиилээхтик кыттан кэллилэр.
«Котофеевскай » диэн оҕолор бэстибээллэригэр биһиги улууспут Тараҕай нэһилиэгин оҕо ускуустубатын оскуолатын үөрэнээччилэрэ чаҕылхайдык музыкальнай үнүстүрүмүөннэргэ оонньоон I истиэпэннээх лауреат буолары ситистилэр.
«Хотугу ырыа» хайысхаҕа аар-саарга аатырбыт “Хардыы” бөлөх солбуллубат солиһа Гаврил Колесов I истиэпэннээх дипломант, Майа сэлиэнньэтиттэн Алина Захарова солистаах «АйКуо» бөлөх I истиэпэннээх лауреат үрдүк аатын ыллылар.
Бэстибээл МУҤУТУУР КЫАЙЫЫЛААҔЫНАН чаҕылхай куоластаах, истиҥ ырыалаах 2-с Наахара нэһилиэгиттэн Николай Куприянов ааттанна.
Ону тэҥэ «Котофеевскай» оҕолор хайысхаларын кыайыылааҕар анаммыт Мэҥэ Хаҥалас улууһа туруорбут бирииһин улуустааҕы култуура салалтатын салайааччытын быстах кэмҥэ солбуйааччы Александр Кулешов Нерюнгри куорат эдэр кэскиллээх ырыаһытыгар Артем Егоровка туттарда.
Мэҥэ Хаҥалас улууһун дьаһалтатын пресс-сулууспата
679
Рекламный баннер 728x90px main2