Рекламный баннер 728x90px main1
УОЛАТТАРБЫТ КӨМӨНҮ ТУТТУЛАР
Бу күннэргэ улууспут бэрэстэбиитэллэрэ байыаннай дьайыыга сулууспалыы сылдьар уолаттарбытыгар хомуллубут көмөнү тиксэрдилэр.
Дойдубутуттан дьоммут-сэргэбит көмөлөрүнэн хомуллубут балтараа тонна кэриҥэ таһаҕаһы: туттар тэриллэри, эт аһы, басыылкалары тиэртилэр.
Биллэн туран, инники кирбиигэ сылдьааччыларга тиксэрэллэригэр диэн доҕотторугар хаалларбыттар.
Байыастарбытыгар анаан үс массыынаны киллэрдилэр, уонна сотору кэминэн төрдүһү "Мегинострой" тэрилтэ биэрбит массыынатын тиэрдиэхтэрэ.
Уолаттарбыт харахтара уоттаах, самныбат санаалаахтар. Дойдуларын аһын аһаан, ирэ-хоро кэпсэтэн олус үөрбүттэр, биир дойдулаахтарыгар махталларын тиэрдэллэр.
Бу көмө хомулларыгар нэһилиэк баһылыктара, тутуу, тыа хаһаайыстыбатын эйгэтигэр үлэлиир тэрилтэлэрбит, урбаанньыттарбыт, уопсастыбаннай түмсүүлэрбит, биир дойдулаахтарбыт тирэх буоллулар.
Ил Дархаммыт Айсен Николаев быһа дьаһалынан таһаҕас барыта босхо тиэрдилиннэ, эбии туттар оборудование бэрилиннэ.
Уолаттарбыт - эрэллэрбит этэҥҥэ эрэ буоллуннар, улууспут олохтоохторугар өссө төгүл улахан махталбытын биллэрэбит.
Тутуспутунан бары бииргэ - иннибит диэки!
Мэҥэ Хаҥалас улууһун дьаһалтатын пресс-сулууспата
645
Рекламный баннер 728x90px main2