Атырдьах ыйын 29 күнүгэр улуус баһылыгын тутууга солбуйааччы Василий Филиппов уонна үөрэҕирии салалтатын сүрүн исписэлииһэ Николай Тарасов
Бүтэйдээх нэһилиэгэр тахсан К.О. Гаврилов аатынан орто оскуола өрөмүөнүн түмүгүн билистилэр.
Оробуочай бөлөҕү нэһилиэк баһылыга Айаан Чичахов уонна оскуола дириэктэрэ Михаил Нестеров көрүстүлэр.
Өрөмүөн бүтэн, силигэ ситэн үөрэх дьылыгар бэлэм. Ол туһунан оскуола дириэктэрэ Михаил Нестеров санаатын үллэстэр:
- Бу дьыл ыам ыйын 15 күнүттэн саҕалаан национальнай федеральнай бырайыак чэрчитинэн биһиги оскуолабытыгар улахан өрөмүөн үлэтэ түмүктэннэ. Түннүктэрбит, муосталарбыт, ааннарбыт, фасадпыт, крышабыт төрдүттэн уларыйдылар, саҥардылыннылар. Бу үлэни барытын Руслан Трофимов салайааччылаах "Стройкомплекс Сервис" бэдэрээччит тэрилтэ бэрт кылгас кэм иһигэр үчүгэйдик толордо. Оскуолабыт саҥалыы тыыннанан оҕолору көрсөргө бэлэм.
Михаил Нестеров сырдатарынан, оскуола быйыл "Модернизация школьных и образовательных учреждений" федеральнай бырагыраамаҕа хапсан аныгы тэриллэринэн, миэбэлинэн толору хааччылан үөрүүтэ үрдүк. Ол курдук интерактивнай дуосканан, саҥа компьютердарынан, видеонан кэтиир камераларынан, баһаары сэрэтэр тэриллэринэн уо. д. а.
Өскөтүн урут бу иннинэ муоста көннөрү мас эбит буоллаҕына, быйыл керамогранит оҥордулар. Остолобуой таһыгар саҥа раковиналар, кырааннар туруорулуннулар.
Дириэктэр, оскуола кэлэктиибэ төһө да уоппускаҕа сырытталлар, бары олус көтөҕүллэн туран ырааһырдыы, бөҕү хомуйуу субуотунньугар кэлэн кыттыбыттарын кэрэхсии бэлиэтээтэ.
Аны аҕыйах күнүнэн оҕолор үөрэ-көтө сырдык оскуола боруогун атыллыахтара.
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0