Рекламный баннер 728x90px main1
Аллараа Бэстээх 2-с нүөмэрдээх оскуолатын дириэктэрэ Ольга Колмакова бүтүн Арассыйатааҕы "Сыл бастыҥ дириэктэрэ" күөн күрэскэ тыһыынчаттан тахса кыттааччыттан 30 иһигэр киирэн түмүктүүр түһүмэхтэргэ ааста.
Балаҕан ыйын 1 күнүгэр Ольга Васильевналыын көрсөн бу үөрүүлээх сонуну үллэстэригэр көрдөстүбүт.
Санатах эттэххэ, СӨ үөрэҕириитин туйгуна,
«СӨ мэтэдиис учуутала» бэлиэ хаһаайына Ольга Колмакова
муус устар ыйга ыытыллыбыт өрөспүүбүлүкэтээҕи "Сыл бастыҥ дириэктэрэ - 2023" күөн күрэс муҥутуур кыайыылааҕынан тахсыбыта.
Арассыыйатааҕы сүүмэрдиир этээпкэ портфолио ис хоһоонун уонна араас тиэмэнэн тест толоруутун көрбүттэр.
Аныгыс түһүмэхтэр видеовизитка, сорудаҕы толоруу, ыйытыыларга хоруйдааһын, маастар кылаас көрдөрүү быһыытынан балаҕан ыйын 29 – алтынньы 4 күннэригэр Москваҕа ыытыллаллар.
Ольга Васильевнаҕа Арассыыйа таһымнаах күрэскэ үрдүк салайар сатабылын туһанан улууспут, өрөспүүбүлүкэбит чиэһин ситиһиилээхтик көмүскүүрүгэр баҕарабыт!
Мэҥэ Хаҥалас улууһун дьаһалтатын пресс-сулууспата
722
Рекламный баннер 728x90px main2