Майа сэлиэнньэтин дьаһалтата улахан кыамталаах тиэхиньикэни атыылаһан, халаан уутун сэрэтэр үлэни ыытыаҕа.
Бу туһунан олохтоох баһылык Алексей Неустроев сырдатта:
- Бу күннэргэ биһиги COMATCU фирма экскаваторын Владивостоктан атыылаһан аҕаллыбыт. Үбүлээһин сэлиэнньэбит бүддьүөтүттэн көрүлүннэ. Бары билэрбит курдук, Майабыт алаас сиргэ турар буолан, саас аайы үрэх, хаар уулара халааннаан киирэннэр дьоммут-сэргэбит дьиэлэрин-уоттарын уу ылар куттала үөскүүр. Бу сытыы кыһалҕаны туоратар инниттэн маннык күүстээх тиэхиньикэ баар буолара уруккуттан баҕа санаабыт этэ. Ол туолан үөрүүбүт улахан. Урукку сылларга оҥоһуллубут хорууларбыт барыта оһон сыталлар. Билигин күһүөрү сир ириэнэҕэр күнү-дьылы куоттарбакка, хоруу үлэлэрэ бу нэдиэлэттэн саҕаланыахтара.
Күүстээх, үлэни кыайыгас тиэхиньикэ дьон туһугар өссө да элбэҕи туһалаатын, эрчимнээхтик үлэлээтин!
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0