Рекламный баннер 728x90px main1
Бүгүн, балаҕан ыйын 5 күнүгэр, Арассыыйа Дьоруойун үрдүк аатын сүкпүт Уус Алдантан төрүттээх Алексей Неустроев биһиги улууспутугар ыалдьыттаата.
Дьоруойу сахалартан бастакы Сэбиэскэй Сойуус Дьоруойа Федор Кузьмич Попов искибиэригэр чиэстээхтик көрүстүлэр.
Улуус баһылыгын тутуу боппуруостарыгар солбуйааччы Василий Филиппов үөрүүлээх быһыыга-майгыга баһылык эҕэрдэ суругун туттарда.
Алексей хамаандатын кытта халыҥ өстөөх күүһүн кытары тэҥэ суох киирсииттэн кыайыылаах тахсыбыттара бүттүүн норуоппут киэн туттуута, устуоруйаҕа киирбит чаҕылхай холобурунан буолаллар.
Сахабыт уолаттарынан киэн туттабыт! Эһиги Аан дойдуга ил-эйэ туругурарын, көҥүл олох туһугар туруулаһар Дьоруойдарбыт буолаҕыт.
Эһиги ааккыт үйэлэргэ ааттаныа, хоһуун хорсун быһыыгыт кэлэр кэнчээри ыччаттарбытыгар төрөөбүт дойдуга тапталы иҥэриэ, бэриниилээх буолууга холобур буолуо!
Мэҥэ Хаҥалас улууһун дьаһалтатын пресс-сулууспата
727
Рекламный баннер 728x90px main2