Рекламный баннер 728x90px main1
21:27 08.09.2023 16+
Бүгүн улуус баһылыга Дмитрий Тихонов «ЫЧЧАТ САЙЫН» бэстибээл чэрчитинэн улууспут ыччаттарын кытта көрүстэ. Бэрт истиҥ, сэргэх аһаҕас кэпсэтии таҕыста. Эдэр дьон иирбис сыанатыттан саҕалаан, оҕону иитиигэ, бириэмэни таба аттарыныыга тиийэ интэриэһиргиир боппуруостарын көхтөөхтүк ыйыттылар. Ханнык баҕарар кэмҥэ ыччат куруук инники күөҥҥэ сылдьар. Маннык көрсүһүү бары бииргэ түмсэн нэһилиэктэрбит, улууспут кэскилин түстүүргэ, сайдыы туһугар үлэлииргэ туһалаах, суолталаах буолуо диэн эрэнэбит. Көрсүһүү, үтүө үгэһи тутуһан, сүргэни көтөҕөр оһуохайынан түмүктэннэ. Улууспут бастыҥ этээччилэрэ Валентина Федорова, Анисия Степанова, Татьяна Неустроева, Галина Зыкова, Виталий Очиров, Роман Иванов оһуохайга сүүһүнэн киһини түмтүлэр. Мэҥэ Хаҥалас улууһун дьаһалтатын пресс-сулууспата
746
Рекламный баннер 728x90px main2