Рекламный баннер 728x90px main1
Балаҕан ыйын 6 күнүгэр биһиги улууспутугар мелиорация эбийиэктэрин боппуруостарынан
СӨ Тыа хаһаайыстыбатын министиэристибэтин миниистирин эбээһинэһин толорооччу Петр Попов,
Сири мелиорациялааһын уонна тыа хаһаайыстыбатын уунан хааччыйыы салалтатын салайааччыта Дмитрий Махаров кэлэн үлэлээтилэр.
Хорообут нэһилиэгэр ууну халытан сири нүөлсүтүү ситимин, Бастакы Баатараҕа Оҕустаах күөлүгэр ууну хаһаанар тутуу туругун миэстэтигэр тиийэн көрдүлэр.
Төҥүлүгэ нэһилиэктэр баһылыктарын, хаһаайыстыбалар салайааччыларын кытта көрсөн улууспутугар турар тыын боппуруостары дьүүллэстилэр, мелиорация сайдарыгар инники былааннары торумнастылар.
Суола үрэххэ сааскы халаан уутун хаайан, оттуур ходуһалары халытан нүөлсүтүүнү сылын ахсын СӨ Тыа хаһаайыстыбатыгар министиэристибэтин Илин эҥэрдээҕи мелиорацияҕа управлениета тэрийэн ыытар.
Нүөлсүтэр ситим үлэтэ күүстээх буолан алдьаныы да, элэйии да баар.
Онон манна күүстээх өрөмүөн үлэтэ ыытыллара эрэйиллэр.
Олохтоохтор бу боппуруоһу күүскэ туруорустулар.
Тыа хаһаайыстыбата туруктаах буоларыгар, сүөһү аһылыгын бэлэмнииргэ мелиорация үлэтэ сытыытык турара чахчы.
Онон уунан хааччыйар эбийиэктэри чөлүгэр түһэриигэ бары күүһү ыытар ирдэнэр.
Мэҥэ Хаҥалас улууһун дьаһалтатын пресс-сулууспата
752
Рекламный баннер 728x90px main2