Рекламный баннер 728x90px main1
Балаҕан ыйын 14 күнүгэр Тараҕай нэһилиэгэр Уһуйааччы уонна Аҕа сүбэһит сылынан уһулуччулаах учуутал, буойун, сэрии, тыыл уонна педагогическай үлэ бэтэрээнэ, СӨ Шишигиннэр педагогическай династияларын төрүттээччи
Спиридон Васильевич Шишигин төрөөбүтэ 100 сылын көрсө
«Көлүөнэлэр тыыннаах ситимнэрэ» кустовой сэминээр уонна сүдү учуутал сырдык кэриэһигэр анаммыт кинигэ презентацията буолан ааста.
Тэрээһиҥҥэ улуус баһылыгын социальнай уонна имиджевэй бэлиитикэҕэ солбуйааччы Альбина Григорьева кыттыыны ылла,
ыраахтан-чугастан мустубут бар дьону, ыалдьыттары үөрүүлээх түгэнинэн эҕэрдэлээтэ.
Сэминээр арыллыытын кэнниттэн Шишигиннэр педагогическай династия чилиэттэрэ оскуола үөрэнээччилэригэр анаан араас тиэмэнэн маастар-кылаастары ыыттылар.
Спиридон Шишигин аатынан Табаҕатааҕы култуура уонна устуоруйа түмэлигэр быыстапка тэрилиннэ.
Салгыы ыалдьыттар уонна кыттааччылар оскуола түмэлигэр сырыттылар.
Тараҕай нэһилиэгин кэнчээри ыччатарыгар инники идэлэрин таба тайаналларыгар анаан профориентационнай үлэ ыытылынна.
Маннык сылаас, истиҥ эйгэҕэ Спиридон Васильевич оҕолоро, чугас дьоно, Шишигиннэр педагогическай династиялара аҕаларын, эһэлэрин олоҕун туһунан ахтыыларга, чахчыларга олоҕурбут кэрэхсэбиллээх кинигэни сүрэхтээтилэр.
Мэҥэ Хаҥалас улууһун дьаһалтатын пресс-сулууспата
696
Рекламный баннер 728x90px main2