Рекламный баннер 728x90px main1
Балаҕан ыйын 26-28 күннэригэр
Саха сиригэр аан бастакытын кэлбит «Кыайыы буойаһа» көһө сылдьар түмэл тимир суол Аллараа Бэстээх ыстаансыйатыгар үлэлээтэ.
Өрөспүүбүлүкэбит араас муннуктарыттан уопсайа 3983 киһи
Аҕа дойду сэриитин кэмнэрин сырдатар түмэли кэлэн көрдүлэр.
Бу үс күн устата кэлбит дьону көрсөн, сааһылаан, мунаахсыйар боппуруостарын быһааран
Майатааҕы дьиэ кэргэн киинин салайааччыта Владлена Павлова салайыытынан улууспут волонтердара - Аллараа Бэстээх бастакы нүөмэрдээх оскуолатын үөрэнээччилэрэ уонна Транспортнай техникум устудьуоннара үлэлээтилэр.
Тэрийээччилэр Саха сиригэр кэлиилэрин 20-с өрөспүүбүлүкэ уонна 280-с тохтобул буоларын бэлиэтээтилэр.
Аҕа дойду сэриитин устуоруйатын көрдөрөр буойас ол саҕанааҕы бүтүн Дойду үрдүнэн турбут ыар кэмнэри толору арыйар экспонаттара, интерактивнай көрдөрүүтэ, киһи уйадыйыах, долгуйуох гына наушнигынан кэпсээн арыаллааһыннаах бэрт интэриэһинэй Аан дойду үрдүнэн суох түмэл буоларын бэлиэтээтибит.
Мэҥэ Хаҥалас улууһун дьаһалтатын пресс-сулууспата
681
Рекламный баннер 728x90px main2