Илии сылааһа өрөспүүбүлүкэтээҕи иис түмсүүтэ тэрийэн ыыппыт иистэнньэҥнэр күөн-күрэстэригэр Төҥүлү нэһилиэгин филиала бочуоттаах ИККИС МИЭСТЭ буолан улууспут аатын чиэстээхтик ааттатта.
Күрэххэ уопсайа 11 улуустан 12 хамаанда кыттыыны ылбыт. Балаҕан ыйын 15-18 күннэригэр түөрт күн устата сэттиэ буолан байыастарга ананар сэттэ кэмпилиэк таҥаһы тигиини бириэмэтин, хаачыстыбатын учуоттаан туран көрбүттэр.
Ол түмүгэр, I миэстэ Амма улууһа (59,14 б.), II миэстэ Мэҥэ Хаҥалас улууһа, Нам улууһа (58,43 б.), III миэстэ Таатта улууһа (58 б.).
Төҥүлү нэһилиэгин Илии сылааһа түмсүү бу сайын тэриллэн, бэйэлэрэ баҕа өттүнэн түмсэн амарах санаа күүһүнэн күннэтэ үлүскэн үлэни ыыталлар, уолаттарбыт дьоннорун өйөбүллэрин билэллэрин туһугар сылаас таҥас тигэн байыаннай дьайыыга ыыталлар.
Үтүө санаалаах ытык дьоммут илиигит, сүрэххит сылааһын иҥэрэн уолаттарбыт этэҥҥэ сылдьалларын туһугар күннэтэ ыытар үлэҕит иһин махтанабыт уонна дьоһун кыайыыгытынан эҕэрдэлиибит!
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0