Ааспыт нэдиэлэҕэ Ил Дархан өрөспүүбүлүкэбит 44 оскуолатыгар уонна орто үөрэх кыһаларыгар аныгы ирдэбиллэргэ эппиэттиир анал автобустар күлүүстэрин туттарда. Бу автобустар Образование национальнай бырайыак нөҥүө 121 мөлүйүөн көрүллүбүтүнэн ылыллыбыттар.
Биһиги улууспутугар А.А.Пахомов аатынан Тиэлиги орто оскуолатыгар, И.Г.Игнатьев аатынан Харатааҕы орто оскуолаҕа, Догдоҥо оскуолатыгар уонна Р.И.Брызгалов аатынан Транспортнай техникумҥа ананнылар.
Ону тэҥэ, Дойду президенэ Владимир Путин көҕүлээһининэн олохтоммут Здравоохранение национальнай бырайыак нөҥүө өрөспүүбүлүкэбит уон доруобуйа харыстабылын суһал көмө салаатын тырааныспарынан хааччыйдылар.
Биһиги улууска оройуоннааҕы киин балыыһаҕа хотугу усулуобуйаны тулуйар оҥоһуулаах, ивл аппаратынан, электрокардиографынан хааччыллыылаах, реанимация оҥорор толору кыахтаах суһал көмө массыынатын туттардылар.
Улууспутугар кэлбит саҥа массыыналар дьоммутугар-сэргэбитигэр туһалаах, уһун үйэлээх буоллуннар!
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0