Рекламный баннер 728x90px main1
МЭҤЭ ХАҤАЛАС УЛУУҺУГАР ОЛОҤХО ЫЙА
Бүгүн улуус дьаһалтатыгар үлэ хаамыыта уратытык саҕаланна. Нэдиэлэтээҕи планерка кэмигэр "Олоҥхо Дьиэтэ" норуот айымньытын киинин фольклорга исписэлииһэ, олоҥхону утумнааччы Аксинья Степанова олоҥхоттон быһа тардыыны толоруутун сэргээн иһиттибит. Улуус салалталарын үлэһиттэрэ, салаайааччылар бу күнү сахалыы таҥнан-симэнэн көрүстүлэр.
Биһиги улууска сэтинньи 1 күнүттэн Олоҥхо ыйа бэлиэтэнэр. Бу ый тухары араас тэрээһиннэр, күрэхтэһиилэр ыытыллаллар. Олоҥхо Дьиэтэ тэриллибитэ үбүлүөйдээх уон сылынан ахсынньы 4-5 күннэригэр эрэгийиэннэр икки ардыларынааҕы форум, ыччат бэстибээлэ буолара күүтүллэр.
Норуоппут баайын, уратытын, уус-уран тылын-өһүн бүттүүн илдьэ сылдьар уһулуччулаах айымньыбыт - Улуу Олоҥхобут үйэлэргэ сүппэккэ-симэлийбэккэ, үүнэ-сайда турдун!
Мэҥэ Хаҥалас улууһун дьаһалтатын пресс-сулууспата
467
Рекламный баннер 728x90px main2