Рекламный баннер 728x90px main1
Бүгүн, сэтинньи 2 күнүгэр, Ил Түмэн дьокутаата Олег Марков Майа сэлиэнньэтигэр, 1-кы Тыыллыма нэһилиэгэр биирдиилээн дьону кытта көрсөн кэпсэттэ.
"Майаҕа 15 киһи араас боппуруостардаах кэлэн ыйыттылар, кэпсэттилэр, дьиэ-уот, дьиэ туттарга сир боппуруостарын туруорсаллар.
Майалар инбэлиит оҕолоох дьон оҕобутун хайдах үөрэттэрэбит, инклюзивнай кылаастары оскуолаҕа арыйыы туһунан туоһуластылар. Аукционунан көтүллүбүт дьиэлэр оннуларыгар сири хайдах ылары ыйыталастылар. Оҕолорго идэлэрин талалларыгар маастар-кылаастары ыытыыга көмө көрдөстүлэр. Маны булгуччу толкуйдуохпут.
Лоомтука олохтоохторо тыа хаһаайыстыбатыгар үлэлиир дьоҥҥо анаан ипотека, севернай надбавка ааҕыллыытын боппуруоһун уонна эт-үүт бородууксуйатын себестоимоһын ааҕыахха наада диэн туруорсаллар.
Салгыы Хаҥаласка айаннаатым. Дьокуускайга тиийэн, хас биирдии боппуруоһу быһаарар үүтү-хайаҕаһы толкуйдуохпут. Маннык сирэй көрсүһүү наадатын быыбар саҕана туруорсубуттара.
Ол накааһы ылынан, хас биирдии көрсүһүүгэ киирбит боппуруостарынан салгыы үлэлиибит", - диэн Олег Олегович тус страницатыгар суруйар.
Мэҥэ Хаҥалас улууһун дьаһалтатын пресс-сулууспата
461
Рекламный баннер 728x90px main2