Бүгүн, алтынньы 23 күнүгэр, Чыамайыкы курдук уһук сытар нэһилиэктэн "Чүүйэ" МУТ сүөһүлэрин үс күн устата атынан үүрэн аҕаллылар. Быйыл сайын Аркадий Лукин салайааччылаах улуустааҕы "Чүүйэ" муниципальнай унитарнай тэрилтэ 92 төбө сүөһүтүн Чыамайыкы нэһилиэгэр үрэххэ өлгөм оттоох сиргэ сайылатта. Биллэн турар, манна чугастыы мэччирэҥ сир тиийбэтиттэн маннык дьаһал ылыллыбыта. Бу биһиги улууспутугар кэлиҥҥи уон сылга бастакы уопут буолла. Үлэһиттэр бэһиэ буолан аттарын миинэн сүөһүлэрин аҕаллылар. Сүөһүлэрбит этэҥҥэ кыстыкка киирэн сүөһү төрдө буоллуннар диэн алгыспытын аныаҕыҥ!
Мэҥэ Хаҥалас улууһун дьаһалтатын пресс-сулууспата
Информационный сайт Нижний Бестях. Позиция редакции не всегда совпадает с точкой зрения авторов. При перепечатке текстов либо ином использовании текстовых материалов с настоящего сайта на иных ресурсах в сети Интернет гиперссылка на источник обязательна.
В титульной части сайта использованы фотографии Светланы Ивановой, лицензия CC-BY-SA-3.0