ХОТУГУ МНОГОБОРЬЕҔА ОҔОЛОРБУТ СИТИҺИИЛЭРЭ
Бу күннэргэ Үөһээ Бүлүүгэ ыыттыллыбыт хорсун байыас Степан Степанович Руфов кэриэһигэр хотугу многоборье күрэҕэр биһиги улуустан үс оҕо кыттыны ылла. Бу туһунан улуустааҕы хотугу многоборьеҕа федерация толорооччу дириэктэрэ Аграфена Яковлева сырдатта.
Ол курдук, 1-кы Баатара орто оскуолатын 10 кылааһын үөрэнээччитэ Семенова Арина 1 км паалкалаах сүүрүүгэ
бастакы миэстэ, сүгэни быраҕыыга
үһүс миэстэ, наартаны ойууга
иккис миэстэ буолан, уопсай түмүккэ
үһүс миэстэни ылан, 5 тыһыынча солкуобайынан наҕараадаланна.
Алексеев Дьулурхан Майатааҕы И.Г. Тимофеев аатынан лицей 8 кылааһын үөрэнээччитэ сүгэни ыраахха быраҕыыга
бастакы миэстэ буолла. Никифоров Слава-К.Алексеев аатынан Хаптаҕай орто оскуолатын 9 кылааһын үөрэнээччитэ наартаны ойууга 250 наартаны ойон
үһүс миэстэни ылары ситистэ.
Салгыы оҕолор өрөспүүбүлүкэҕэ ыытыллар "Кубок Федерации" күрэҕэр бэлэмнэнэллэр.
Күрэххэ кытталларыгар күүс-көмө буолар Федерация салайааччытыгар - Майа сэлиэнньэтин баһылыгар Алексей Неустроевка, төрөппүттэргэ улахан махталларын тиэрдэллэр.
Спортсменнарбытыгар инникитин даҕаны үрдүк ситиһиилэри, өрүү кыайыы көтөллөөх буоларгытыгар баҕарабыт!
Мэҥэ Хаҥалас улууһун дьаһалтатын пресс-сулууспата