Рекламный баннер 728x90px main1
Улууспутугар, өрөспүүбүлүкэҕэ биир бастыҥ үлэлээх «Хорообут» ХЭТ
бу сыл сэтинньи 9 күнүнээҕи Арассыыйа министиэристибэтин 843 нүөмэрдээх бирикээһинэн
саха боруодалаах сылгыны үөскэтээһиҥҥэ племенной собуот туругун ылары ситистэ.
Племенной собуот туругун Амма улууһун И.Я.Строд аатынан ТХПК,
ону тэҥэ, биһиги улууспут «Хорообут» хааччахтаммыт эппиэтинэстээх тэрилтэтэ өрөспүүбүлүкэҕэ иккиһинэн сүктэ.
Валерий Афанасьевич Колосов салайааччылаах «Хорообут» ХЭТ 2012 сыллаахха тэриллэн
сылгы, сүөһү иитиитинэн, саха боруодалаах сылгы төбөтүн элбэтиинэн дьарыктанан үлэлии турар.
Билиҥҥи туругунан 327 сылгылаах, ол иһигэр 263 биэ, 29 атыыр сылгы.
Биир дойдулаахтарбытын бары ирдэбиллэргэ эппиэттиир үрдүк көрдөрүүлээх үлэҕитинэн племенной собуот туругун сүкпүккүтүнэн итиитик-истиҥник эҕэрдэлиибит!
Омукпут иитиллэн кэлбит барҕа баайа сыспай сиэллээхпит төрөөн-ууһаан үксүү туралларыгар, бигэ туруктаах буолалларыгар ыытар күннээҕи үлэҕит кэрэхсэнэ, кэтирии турдун!
Мэҥэ Хаҥалас улууһун дьаһалтатын пресс-сулууспата
564
Рекламный баннер 728x90px main2