Сэтинньи 10 күнүгэр Улуустааҕы үөрэтэр-оҥорон таһаарар кииҥҥэ Суолга куттал суох буолуутун хамыыһыйата уонна инспекцията көҕүлээһининэн “Мин ийэм - автоледи” күрэс ыытылынна.
Күрэскэ биэс ийэ оҕолорунаан кыттыыны ыланнар тимир көлөлөрүн киэргэтэн билиһиннэрдилэр, автодромҥа массыына ыытан көрдөрдүлэр, суол быраабылатын, тимир көлө ис чааһын билиигэ тургутууну аастылар.
Күрэс түмүгүнэн
Дьабыыл орто оскуолатын 6 кылааһын үөрэнээччитэ Айтал Тарабукин ийэтинээн Галина Гаврильевналыын кыайыылаахтарынан таҕыстылар,
Иккис миэстэҕэ Ф.Г.Охлопков аатынан Майа оскуолатын 7 кылааһын үөрэнээччитэ Самаана Маркова ийэтинээн Татьяна Дмитриевналыын,
Бастакы Тыыллыма оскуолатын 9 кылааһын үөрэнээччитэ Сандаара Архипова ийэтинээн Александра Васильевналыын үһүс миэстэ буоллулар.
В.П.Ларионов аатынан Майа оскуолатын 8 кылааһын үөрэнээччитигэр Ева Адамоваҕа, ийэтигэр Уйгулаана Николаевнаҕа уонна
Ороссолуода оскуолатын 11 кылааһын үөрэнээччитигэр Таня Матвееваҕа, ийэтигэр Сардана Тимофеевнаҕа анал ааттар туттарылыннылар.