Рекламный баннер 728x90px main1
«КУТТАЛА СУОХ МУУС» ААХСЫЙА САҔАЛАННА
Сэтинньи 20 күнүттэн, өрөспүүбүлүкэ үрдүнэн өрүскэ, күөллэргэ быһылаан тахсыбатын туһуттан, үгэскэ кубулуйбут «Куттала суох муус» аахсыйа саҕаланна.
Манна улуус дьаһалтатын административнай хамыыһыйата, дьоҕус суудуналарга судаарыстыбаннай инспекция, биир кэлим дежурнай диспетчерскай сулууспа, суолга куттал суох буолуутун судаарыстыбаннай инспекцията, прокуратура кыттыылаах эриэйдэлэр ыытыллаллар.
Аахсыйа чэрчитинэн нэһилиэнньэҕэ мууска сэрэхтээх буоларга ыҥырар иһитиннэрии, сэрэтии үлэтэ ыытыллар. Ону тэҥэ, массыына мууска тахсыыта бэлиэтэннэҕинэ ыстараап олохтонор.
Ыстараап кээмэйэ:
чааһынай дьоҥҥо 3 000 - 5 000 солк.,
дуоһунастаах сирэйдэргэ 20 000 - 50 000 солк.,
юридическай сирэйдэргэ 100 000 - 1 мөл. солк. тиийэ ыстараап олохтонуон сөп.
Билигин, муус массыынаны кыайар гына халыҥыы, өрүһү туоруур көҥүл бэриллэ илигин үрдүнэн массыыналар өрүскэ тахсыылара бэлиэтэнэр.
«Дьокуускай – Аллараа Бэстээх» хайысханан өрүһү туоруур кыһыҥҥы суол аһыллар болдьоҕо биллибэт.
«Павловскай - Хатас» хайысханан, быһа холоон, ахсынньы 7-10 күннэригэр аһыллара сабаҕаланар.
Ытыктабыллаах улууспут олохтоохторо!
Муус чарааһынан сибээстээн мууска массыынанан тахсар бобулларын сэрэтэбит! Бэйэҕитин, чугас дьоҥҥутун харыстааҥҥыт кутталлаах быһыыга-майгыга киирэн биэрбэккитигэр, бэрээдэги кэспэккитигэр, сэрэхтээх буоларгытыгар ыҥырабыт!
Мэҥэ Хаҥалас улууһун дьаһалтатын пресс-сулууспата
447
Рекламный баннер 728x90px main2