Рекламный баннер 728x90px main1
СОЦИАЛЬНАЙ ХАНТЫРААК НӨҤҮӨ БУ СЫЛГА КӨРҮЛЛҮБҮТ КВОТА ТУОЛЛА
Бүгүн, сэтинньи 23 күнүгэр, социальнай хантыраак нөҥүө көмөнү көрүү быйылгы сыллаах түмүктүүр хамыыһыйата ыытылынна.
Улуус баһылыгын социальнай уонна имиджевэй бэлиитикэҕэ солбуйааччы Альбина Григорьева бэрэссэдээтэллээх бүгүҥҥү хамыыһыйа көрүүтүгэр алта нэһилиэктэн 12 киһи үлэ көрдөнүүтүгэр, бэйэ дьыалатын арыныыга, кэтэх хаһаайыстыбатын сайыннарыыга бырайыактарын көмүскээтилэр.
Быйыл Мэҥэ Хаҥалас улууһугар социальнай хантыраакка үлэ көрдөнүүтүгэр 14 квота,
бэйэ дьыалатын тэриниигэ 43,
кэтэх хаһаайыстыбатын сайыннарыыга 23,
ыарахан усулуобуйаҕа түбэспиттэргэ 200 уонна 160-тан тахса квота “развивайка” диэн саҥа көрүҥҥэ көрүллүбүтэ.
Санатан эттэххэ, бу сыл балаҕан ыйын 22 күнүнээҕи СӨ Бырабыыталыстыбатын 472-с нүөмэрдээх уурааҕынан, социальнай хантыраак бырагырааматынан бэйэ дьыалатын уонна кэтэх хаһаайыстыбатын тэриниигэ, сайыннарыыга туоһуланар көмө үбүлээһин 500 тыһыынча солкуобайга диэри үрдээбитэ.
Бүгүҥҥү хамыыһыйанан бу сыллаах квота барыта сабылынна. Эһиилгигэ мантан итэҕэһэ суох ахсааннаах квота көрүллэн дьоммутугар-сэргэбитигэр үлэлээх, дьарыктаах буолалларыгар күүс-көмө буолуо диэн эрэнэбит.
Мэҥэ Хаҥалас улууһун дьаһалтатын пресс-сулууспата
462
Рекламный баннер 728x90px main2