УЛУУСПУТ ДЬОНО ИЛ ДАРХАН ИСТИПИЭНДИЙЭТИН ТУТТУЛАР
Саха Өрөспүүбүлүкэтин Ил Дархана Айсен Сергеевич Николаев
сэтинньи 23 күнүгэр
Сахабыт сиригэр Олоҥхо күннэрин чэрчитинэн саха төрүт култууратын илдьэ сылдьар олоҥхоһуттарга, оһуохай таһаарааччыларга уонна уустарга Саха сирин баһылыгын истипиэндийэтин аныыр туһунан туоһу суруктары туттарда.
Мэҥэ Хаҥалас улууһуттан
оһуохайдьыт Карамзин Николай Кузьмич (Нөөрүктээйи нэһилиэгэ),
олоҥхону толорооччу Григорьев Иван Алексеевич (Бастакы Наахара нэһилиэгэ),
тимир ууһа Борисов Устин Николаевич (Төҥүлү нэһилиэгэ),
СӨ норуотун маастара Егоров Петр Петрович «Туойаана» керамическай мастерской салайааччыта (Майа сэл),
СӨ норуодунай художнига, косторез Марков Федор Иванович (Тараҕай нэһилиэгэ) истипиэндийээттэринэн ааттаннылар.
Бу ааттаммыт дьоммут 2024 сыл устата ый аайы 30 000 солкуобай истипиэндийэни ылыахтара.
Истипиэндийэни Саха сирин үрдүнэн олоҥхо, оһуохай, тимир ууһа, норуот маастара хас биирдии хайысхаҕа 7-лии киһи ылар.
Олоҥхону үөрэтиигэ, уһуйууга, тарҕатыыга үтүө үлэтин иһин Никандр Прокопьевич Тимофеевка Сунтаар олоҥхоһутугар олоҕун тухары ылар истипиэндийэни анаатылар.
Үрдүк наҕараадаҕа, Ил Дархан анал истипиэндийэтигэр тиксибит дьоммутун истиҥник эҕэрдэлиибит!
Өссө да үрдүктэн үрдүк ситиһиилэри, кыайыылары-хотуулары, айымньылаах үлэни, чэгиэн туругу баҕарабыт!
Г.Г.Колесов аатынан “Олоҥхо Дьиэтин” уус–уран салайааччыта
Айта Васильева