«Чөл олох – чэгиэн турук» илин эҥэр улуустарын кэмпириэнсийэтэ
Ытыктабыллаах улууспут олохтоохторо уонна ыалдьыттара!
Эһигини барыгытын РФ үтүөлээх учуутала, «Үлэ кыһыл знамята» уордьан кавалера, өрөспүүбүлүкэҕэ чөл олоҕу көҕүлүүр хамсааһыннары төрүттээччи Иннокентий Егорович Сергучев үбүлүөйдээх 90 сылыгар ананар
«Чөл олох – чэгиэн турук» илин эҥэр улуустарын уопсастыбаннаһын кэмпириэнсийэтигэр кыттыыны ыларгытыгар ыҥырабыт!
Буолар күнэ: сэтинньи 30 күнүгэр, сарсыара 9:00 чаастан
Буолар сирэ: Д.Ф.Ходулов аатынан Норуот айымньытын дьиэтэ
Эһигини күүтэр:
«Иннокентий Сергучев – СӨ чөл олоҕу көҕүлүүр хамсааһыннары төрүттээччи»И.Е.Сергучев үлэтин сырдатар быыстапка,
«Кэлэр кэскил туһугар» киинэ көрдөрүүтэ,
Пленарнай чаас,
Түһүлгэлэринэн үлэ, ырытыһыы,
Наҕараадалааһын чааһа.
Кэмпириэнсийэ сүрүн сыала – чөл олоҕу көҕүлүүр, өрө тутар үлэни ыытыыга илин эҥэр улуустарын уопсастыбаннаһын күүһүн бииргэ сомоҕолооһун. Түмүгэр ыытыллар уопсай үлэҕэ сүбэ хомуйуута ылыныллыаҕа.
Маннык киэн хабааннаах тэрээһинтэн туора турбаккаҕыт, кэлэҥҥит чөл олоҕу көҕүлүүргэ бэйэҕит көрүүгүтүн, этиигитин киллэрэҥҥит көхтөөх кыттыыны ыларгытыгар ыҥырабыт!
Сиһилии билсэр нүөмэргит
89841096515
Мэҥэ Хаҥалас улууһун дьаһалтатын пресс-сулууспата