Рекламный баннер 728x90px main1
КЫСТЫККА КИИРИИНИ БИЛСЭ
Томороон тымныылар түһүөхтэрин иннинэ
тыа хаһаайыстыбатын салалататын уонна ветеринарнай салалта исписэлиистэрэ улууспут тэриллиилээх уонна бааһынай-фермерскэй хаһаайыстыбалара кыстыкка киириилэрин билистилэр.
Ол курдук, Баатара нэһилиэгин Өргөннөөҕөр турар «Саха сүөһүтэ», «Хорообут» ХЭТ, Тараҕай нэһилиэгэр урбаанньыт Герасимов Р.Р. хаһаайыстыбатын, «Чүүйэ» МУТ, «Хаххах» кэпэрэтиип, «Тарат» ТХПК, «Тумул» ТХПК, «Томтор» ХЭТ, «Дьаҥхаады» хаһаайыстыба, Ороссолуода нэһилиэгэр «Илгэ» хаһаайыстыба, Хапатаҕай дьаһалтатын бааһынай хаһаайыстыбатын, Нөөрүктээйигэ «М.Егорова» ХЭТ, Догдоҥо нэһилиэгэр «Чэлгиэрийэ», «Союз» хаһаайыстыбалар ынах сүөһүлэрин туруктарын көрдүлэр.
Быйыл сайын быйаҥ үүнүүлээх, отунан хааччыллыы былаана туолбут буолан хаһаайыстыбалар туруктара этэҥҥэ. Сорохтор эбии Тимур Десяткинтан комбикормунан хааччыммыттар.
Холобур, племенной сэммэнтээл боруоданы тутар «Тумул» ТХПК кыстыгар 996 туонна оту, 412 туонна сиилэһи, 120 туонна комбикорманы бэлэмнээбит.
Ыанар ынах күннээҕи рационугар 10 киилэ от, 2 киилэ комбикорма, ньирэйдэргэ 3-4 киилэ от, 1 киилэ комбикорма көрүллэр. Хаһаайыстыба уопсайа 420-тэн тахса төбөлөөх, онтон 220-тэ ынах.
Быйылгы кыстык этэҥҥэ ааһыа, эһиил ынах, биэ төрөөһүнэ элбээн төбө ахсаана эбиллиэ диэн эрэнэбит.
Мэҥэ Хаҥалас улууһун дьаһалтатын пресс-сулууспата
456
Рекламный баннер 728x90px main2