Рекламный баннер 728x90px main1
Бүгүн, ахсынньы 7 күнүгэр, баһылык Дмитрий Тихонов кыттыылаах Мэҥэ Хаҥалас улууһун спортка ассоциациятын сүбэ мунньаҕа ыытылынна.
Улуустааҕы физическэй култуура уонна спорт салалтатын начаалынньыга Алексей Попов, В.П.Уваров аатынан Олимпийскай эрэллэр оскуолаларын дириэктэрин солбуйааччы Андриан Захаров, Мэҥэ Хаҥалас улууһун оҕо спортивнай оскуолатын дириэктэрэ Петр Илларионов кэнники сылларга ыытыллыбыт улахан хабааннаах күрэхтэһиилэргэ кыттыыны ылыы, сыл устатата ыытыллыбыт күрэхтэһиилэр, тэрээһиннэр туһунан отчуоттаатылар, инникигэ былааннанар үлэни сырдаттылар.
Биирдиилээн спорт көрүҥнэринэн федерациялар салайааччылара быйылгы сыллаах ситиһиилэр, кыттыыны ылбыт күрэхтэһиилэр, туох харгыстары көрсүбүттэрин туһунан ырытыыларын, инники былааннарын, туруорсууларын иһитиннэрдилэр.
Мунньах хаамыытыгар уопсай куоластааһын түмүгүнэн биир санаанан Мэҥэ Хаҥалас улууһун спортка ассоциациятын бэрэссэдээтэлинэн Дмитрий Иванович Тихонов талылынна.
Мэҥэ Хаҥалас улууһун дьаһалтатын пресс-сулууспата
428
Рекламный баннер 728x90px main2