Бүгүн, ахсынньы 7 күнүгэр, Герой Попов сопхуос нэһилиэктэрин иһигэр тыа хаһаайыстыбатын сайыннарыыга туһуламмыт граҥҥа бырайыактары истии хамыыһыйата ыытылынна.
Хамыыһыйа чилиэннэринэн улуустааҕы тыа хаһаайыстыбатын салалтатын исписэлиистэрэ үлэлээтилэр, бэрэссэдээтэлинэн салайааччы Иннокентий Семенов.
Бу грант Герой Попов аатынан сопхуос нэһилиэктэрин баһылыктара туруорсууларынан, улуус баһылыга Дмитрий Тихонов өйөбүлүнэн олоххо киирдэ.
Граны ылыы куонкуруһугар
Мэлдьэхситтэн Роберт Неустроев сүөһүтүн төбөтүн ахсаанын элбэтэн кэтэх хаһаайыстыба тэринии,
Хорообуттан Николай Андреев сылгытын төбөтүн элбэтэн иккис үөр тэринии,
Бастакы Баатараттан Гаврил Попов сүөһүтүн ахсаанын элбэтэн нэһилиэнньэни үүт, эт аһынан хааччыйыы диэн сыаллаах-соруктаах бырайыактарын көмүскээтилэр.
Хамыыһыйа ылыммыт быһаарыытынан,
Мэлдьэхситтэн математика учуутала Роберт Неустроев кэтэх хаһаайыстыба тэринии бырайыага 250 000 солкуобайдаах грант кыайыылааҕынан таҕыста.
Мэҥэ Хаҥалас улууһун дьаһслтатын пресс-сулууспата