Рекламный баннер 728x90px main1
БААТАРАҔА ИЛ ДАРХАН КЫТТЫЫЛААХ ДЬОРУОЙДАР КҮННЭРЭ БЭЛИЭТЭННЭ
Бүгүн, ахсынньы 9 күнүгэр Ил Дархан Айсен Николаев кэргэнинээн Людмила Валерьевналыын, Арассыыйа Дьоруойа Александр Колесов,
СӨ Үөрэҕириитин уонна наукатын миниистирэ Нюргуна Соколова,
СӨ Тыа хаһаайыстыбатын миниистирэ Артем Александров, СӨ Ыччат дьыалаларыгар уонна социальнай коммуникацияларга миниистирэ Петр Шамаев
Аҕа дойду Дьоруойдарын күнүгэр сахалартан бастакы Дьоруойбут Федор Попов дойдутугар Баатара нэһилиэгэр ыалдьыттаатылар.
Дьоруой пааматынньыгар уонна Федор Кузьмич ийэтинэн сирэйдээн дьоруой ийэлэргэ анаммыт Ийэ искибиэригэр тыыннаах сибэкки дьөрбөлөрүн уурдулар.
Ыҥырыылаах ыалдьыттары Аҕа дойду сэриитин ыар сылларын, Баатараттан дойдуларын көмүскүү барбыт буойуннар хорсун быһыыларын сырдатар, Дьоруой Попов тутта сылдьыбыт тус маллара хараллан сытар олохтоох түмэлгэ сырытыннаран ааспыт кэм устуоруйатын кэпсээтилэр.
Бу күн Федор Кузьмич Попов аатын сүгэр Баатара орто оскуолатыгар «Снежный барс» байыаннай-спортивнай күрэхтэһии улуустааҕы түһүмэҕэ Дьоруойдар күннэригэр сөп түбэһэн, күрэхтэһии үөрүүлээх арыллыытыгар Ил Дархан Айсен Николаев, Арассыыйа Дьоруойа Александр Колесов тыл этэн кыттыыны ыллылар, күрэхтэһээччилэргэ ситиһиилэри баҕардылар.
Кадеттар олорор интэринээттэрин, оҕолор олорор усулуобуйаларын билистилэр, үөрэнээччилэри кытта кэпсэттилэр.
Улуус баһылыга Дмитрий Тихонов Айсен Сергеевичкэ Баатара нэһилиэгин сиригэр тутуллуохтаах 260 ыанар ынах турарыгар аналлаах аныгы олох ирдэбиллэригэр толору эппиэттиир, ынах-сүөһүттэн үрдүк хаачыстыбалаах бородууксуйаны ылыыга туһуланар сүөһү иитэр комплекс барылын билиһиннэрдэ.
Билиҥҥи кэм Дьоруойдарынан анал байыаннай дьайыыга сылдьар уолаттарбыт буолаллар. Баатара нэһилиэгиттэн 14 саха саарына дойдубут былааҕын аннынан эйэлээх олох иһин туруулаһа барбыттара. Олортон биирдэстэрэ Петр Григорьев,
быстах хомуурга ыҥырыллан барбыт саллаат буолар. Ил Дархан кини ийэтигэр Анна Федоровнаҕа сылдьан хайдах олороллорун билистэ.
Мэҥэ Хаҥалас улууһун дьаһалтатын пресс-сулууспата
534
Рекламный баннер 728x90px main2